Slachtemaraton

Skreaun troch Gerrut op .

Op 16 juny 2012 doch ik wer mei oan de Slachtemaraton. In july 2000 waard foar it earst in mei kultuer omrâne maraton oer de âlde Slachtedyk holden: de Slachtemaraton. Fanwege it súkses fan de Slachtemaraton yn 2000 waard besletten om de Stifting Slachtemaraton op te rjochtsjen, mei as doel om alle fjouwer jierren in Slachtemaraton te organisearjen, wêr’t de dielnimmers ûnderweis ferrast wurde kinne mei byldzjende keunst, dûns, teater en muzyk.

2008 wie it jier fan myn earste Slachtemaraton. Mei in tiid fan 4:27:58 foel my dat bot óf. Dit jier moat it better. Myn streeftiid meitsje ik net bekend want it is my dúdlik wurden dat myn broer Ridzert (dy yn 2000 in tiid fan 4:21:41 hie) ek meidocht. Mar dit mocht ik net witte. Wol hy my der út rinne?

Dit jier docht Carola ek mei. Mar sy sil it mei in pear freondinnen kuierjend dwaan.

....acher

Skreaun troch Gerrut op .

Yn Dútslân binne in soart bieren te finen. Hast eltse streek, stêd of doarp hat in eigen brouwerij. It skynt dat der yn Dútslân wol sa’n 850 brouwerijen binne. Do kinst dyn plezier dus wol op yn Dútslân.

Gildemacher komt fan Geldmacher en betsjut soks as “immen dy’t jild makket”. Ik frege my lest ôf hoefolle Dútske bieren der binne wêrby de namme eindiget op acher. Twa biersoarten kin ik en dy ha ik op it stuit ek yn hûs. Dat binne Krombacher en Külmbacher. Derneist kaam ik dizze brouwerijen tsjin: Alpirsbacher, Schumacher, Ustersbacher, Konigsbacher, Erbacher.

Foar bier moast nei Dútslân

Skreaun troch Gerrut op .

In stik of wat kearen it jier reizgje ik ôf nei Dútslân om bier te heljen. Meastentiids gean ik nei Leer, mar ek Emmerich, Nordhorn en sels Metzingen (by Stuttgart) doch ik oan.

"Werom no krekt nei Dútslân? Warsteiner hast toch ek gewoan yn de supermerke?". Bier drink ik net as wetter mar genietsje der op syn tiid fan, faaks mar ien of twa “fleskes” de wike. Der is yn Dútslân in ferskaat oan bier en die merken binne net altyd in Fryslân te krijen. En soe ik sleatwetter drinke wolle dan dronk ik dat smoarge Dommelsch, Amstel en Heineken bier wol.

In oantal pilskes ha ik altyd kâld stean: Paulaner Weizen, Sanwald Weizen, Löwenbrau Pilsener, König Pilsner en Krombacher Pilsener.